Gogoratu zerua kolorez apaintzeaz,
gauero deabruari adarrak ipintzeaz.
Amoranteen poemak sutan kiskaltzeaz,
infernuko ateak zabalik ahanzteaz.
Gogoratu tabernak isilik agurtzeaz,
orbel sikatuetan oinutsik dantzatzeaz.
Errepide alboko loreak ureztatzeaz,
kaiola erdoilduak airera botatzeaz.
Gogoratu eskuak laztanez mimatzeaz,
begipeko larrosak malkoez bustitzeaz.
Ipuin politenak erdizka abandonatzeaz,
hegan dauden muxuak kutxa batean gordetzeaz.
Gogoratu gogoratzeaz.
No hay comentarios:
Publicar un comentario