HEGO BAKO TXORIAREN BALADA

Iraganeko txori geroari lotu nahirik

hegoak ebakiak ditu eta mokoa itxirik.

Hegoak ebakirik ezin haizeagaz hegan egin.

Kaiola batean sartu zaituzte bihotzean bala batekin.

Eta gauean lokartzean ametsetan zoaz hegaka.

Itsas ertzean pausatzen zara olatuekin biraka.

Baina itsasoa ez dirudien bezain leiala,

bere atzaparrek itotzen zaituzte naufrago baten gisara.

Eta goizez esnatzean berriz kaiola barnean

malko urtsuak ageri dira zure begi bietan.